اتخنققققققققققققققققققققققت
اتخنقت !! دى مش اغنيه محمد محيي
لان محمد محيي فى الاغنيه اتخنق من سبب
انا بقى اتخنقت من اسباااااااااااااااااااااااااب
هعرضها عليكم لعل وعسى تتخنقوا معايا
ماهوا مش هبقى انا لوحدى يعنى
طبعا كلكم بتقولولى خير ياعم الخنيييييييق عايز ايه؟؟
اكيد كلنا بنخرج نتمشى فى الشارع وكده ....اكيد يعنى
طيب حلو اوى كده
طيب ايه رأيكم بقى فى الى بتشوفوه فى الشارع هل بيعجبكوا؟؟
هل بيعجبكم حال الشباب الى واقف على النواصى
بيعجبكم حال البنات الى عماله تلف فى الشارع
زى لا مؤاخذه الى بتلف حوالين ساقيه
المشكله ان البنت من دول تلاقيها لبسالك لبس ميتلبسشى فى البيت اساسا
يعنى انا مثلا شوفت ولد بيعاكس بنت
البنت ولامؤاخذه كانت عامله زى الى مش لابسه
المشكله البنت ردت عليه بقى تقوله ايه
بتقولوا يا سافل
ياحلاوه ياولاد
والله كان نفسى اديها خمسين قفا على فجأه من غلى منها
يعنى بزمتك يا شيخه مين الى سافل
سبحان الله
دانا حتى كمان روحت للولد الى عاكسها ده وقولتله
على فكره انته محترم عنها
ادى سبب من الاسباب
====================================
نيجى بقى للشباب
تبص تلاقى الولد من دول مش طايق نفسه
وماشى مسقط البنطلون وضارب سمعات فى ودنه
ولابس برموده
وتيجى تقوله ايه يبنى ده
يقولك دى موضه يابيئه
يا حلاوه ياولاد هيا دى الموضه
دهيه تحرقك انته والى اخترعها
ودلوقتى الى بتلاقيه لابس قميص وبنطلون وماشى محترم
يتبصله كانه حاجه غريبه وجاى من كوكب تانى
ويقولك شوف الناس القديمه
ده من ايام الهكسوس ياعم
سبحان الله
حاجه كمان
بلاحظ دايما ان معظم كلام الاولاد على البنات واعتقد البنات كذلك
يعنى مثلا ليا اصحاب كتيييير ...مش اصدقاء اصحاب فى فرق
لما اجى اقف ولا معاهم ولا حاجه
متلاقيش ليهم كلام غير البنات وشوفت دى
ومش عارف دى ايه
شباب حقيقى تافه جداااااا
مش وراه غير التفاهات والمواضيع الفارغه
لكن يتكلم فى مواضيع مهمه وكده لالالالالا
عليه العوض فى المحترمين
الاحترام عندنا بقى حاجه غريبه ومنبوذه
================================
نيجى بقى لكارثه الاباء
انا كنت بقول ان الولد من دول يا ايما يتيم الاب والام
لا دانا كنت بقول انه يتيم العيله كله
علشان كده محدش بيكلمه ولا بيقوله لا
تيجى تبص بقى تلاقى الولد او البنت ماشى جمب والده او والدته
بنفسسسسسسسس المنظر بالظبط
وعادى جدا
معنى كده ان ابوه وامه وابوها وامها موافقين على كده
طيب ازاااااااااى ياناس
وليه كده
تيجى بقى لو حد عاكسها ولا بتاع
يقوم عليه الدنيا كلها
ويحلف انه هيا خد بالقصاص منه
وانه هيدبحه و.....و.....الخ
طيب ازاى ياعم انته سايبها تمشى فى الشارع كده
وجاى تتكلم
روح يا راجل يا هفأ
والله حتى كلمه راجل دى بتتبرى منك ومن امثالك
اكيد فيه اباء كويسين طبعا
بس هما فيييييييييييييين
وفين الدين والقرأن الى كانوا بيعلموهولنا زمان
=============================================
نيجى بقى للكليات
انا عملت لقاء مع الطلاب الى داخلين كليات ...ان شااء الله
وسألتهم بقى شويه اسالها
امثله من الاسئله دى على سبيل المثال:
هل ليك طموحات فى الكليه؟؟
بص ياعم انا الحمد لله دخلت الكليه الى هما عايزنها....لا حظ هما الى عايزنها
وعملتهلم الى هما عايزينه
يعنى ايه ياااااض؟؟
يعنى خلاص بقى فكك مفيش مزاكره فى الكليه
يادوبك هزاكر علشان انجح وخلاص
غير كده مفيش
بسم الله ماشاء الله عليك يبنى
طيب سؤال كمان
ناوى تعمل ايه اول ماتدخل الكليه كده؟
انا ياعم ناوى اظبط نص البنات وامشى معاهم
واقعد معاهم بقى على الكافيه
واتمشى معاهم
واشوف حياتى بقى
الواحد تعب كتييييييير
اشطه عليك
هوه انته لسه شوفت حاجه؟؟
طيب تسمع ايه عن الكليات؟؟
كل الى اعرفه ان هناك فيه مزز ....اسف فى اللفظ
وهناك الحياه فريييييي
ايه؟؟يعنى ايه دى
فرييييييييي يا جاهل
يعنى تعيش بدماغك ومحدش يوجعلك الجمجمه
اسف يا استاذ معلشى عقلى على ادى
طيب ده والنبى داخل كليه ده ولا داخل كباريه؟؟؟؟؟
مع العلم ان ده تفكير معظم الطلاب الى داخلين الكليات
من اول الطب لحححححححححد المعاهد
كفايه اوى كده
والى انا قولتله ده على فكره ميجيش نقط فى بحر الاسباب الى خنقانى ومخليانى مش طايق جلدى اساسا
ها ايه رأيكم بقى؟؟
اتخنقتوا ولا لسه؟؟؟؟؟
تمت بحمد الله
محمد إبراهيم
4 comments:
أولا الموضوع جميل قوي انا هختصر في كلامي بقدر المُستطاع
بص يا محمد العيب مش فينا احنا العيب في التربية والأهل اللي هما مخلوناش نتربى على تربية إسلامية سليمة
هتكلم في كل محور في كلامك بس على عُجاله
اولا معاكسة البنات والله اللي اعرفه ان البنت بتبأى اوبس في قمة سعادتها لما ولد يعاكسها يخراشي بتطلع سابع سما
تروح ويا صحباتها الحقوا يا بنات النهاردة اتقالي كزا وكزا وكزا :d
هما بيحبوا كدا بس مش كلهم دا على فئة منهم بس انا ملاحظ دلوقتي ان البنات هي اللي بتعاكس الشباب وبتــ " بسبسلهم " وعلى عينك يا تاجر اللي ما يشتري يتفرج
مرة جاي من طنطا راكب العربية ومروح لقيت بنت قمر يابني وربنا قاعدة جنبي وواقف ولد في الشباك يقولها باي يا حبيبتي وهي تقوله باي يا حياتي ولا عامله اعتبار لان فيه ناس بنت ستين ــــــــ في العربية loool
ــــــــــــــــ
الموضة بأى او الفاشون " الفيشون " زي ما بيحبوا يقولوها بص يا باشا
اولا البناطيل اللو ويست انا اعرف انها موضة الشواذ في أمريكا ــ دا اولاً
البرمودا مش مهم اما اللي انتا مش ملاحظه برضو ان كل شاب فرحان بالموبايل الجديد والعالي والام بي فور وماشي علبة سجاير في ايده وسجارة في بقه بأى وزير ياض ايه الحلاوة دي وماشي ولا همه اي حد وبيمطوح ايده يمين وشمال متقولش " هركليز " واه بأى صف يمين ع المين وصف ع الشمال هههههههههههه على انه بيراد بيت والجمال ماشي بيكُب منه في الشارع ههههههههه
يا بني انا لما بلبس اغلب لبسي كلاسيك صحابي بيتريأوا عليا :D
في نظرهم ببأى مُتخلف جداً
يلا سيبك من اللبس الشباب دا مش هيتربى غير قريب ــ
ـــــــــــــــ
اما الاباء اه ياض تحب واحدة وتكلمها ولا حاجا ولا حوار من دول صحاب وتكلمك والمصيبة من ورا ابوها وامها يوم يومين تلاقي حد بيتصل يقولك يا بن الكلب ازاي وازاي وانتا مين ـ اسف في اللفظ ـ
على ايه يعم والله ببأى نفس الواحد يقول ـ اللي عنده معزه مطلوقه يلمها ــ
سبت الحمار وماسك في البردعة يحج
ثانيا اباء مين كله بأى همه الفلوس وبس فيه أمهات بتخلي بناتها مش تتحجب يعم اسكت والنبي
ـــــ
وجاي تقولي كُليات مين يعم هو دا شباب لما الاقي عيال لا تسوى جنيه داخلة طب وصيدلة وكليات قمة وهي اصلا شكلها يدخلها صرف صحي بالعافية كل حاجا باظت
واخر كلامي ان الله لا يُغير ما بقوم حتى يغيروا ما بأنفسهم
وشكراً لانك خنقتنا معاكــ
الف مبروووك على البلوج :)
اما بقى بالنسبه لموضوع البوست
بالنسبه للبنات الى حضرتك اتكلمت عليهم فى الاول فحب اعرفك ان امهاتهم هى الى بتشجعهم على كده
يعنى انا كان ليا واحده اعرفها كنا خارجين ولبسها مكنش لذيذ
اقنعتها ورجعت تغير
لقيت مامتها بتقولها انتى مش واثقه فى نفسك و......
وادتها كام كلمه كده
صحيح البنت يومها لبست لبس محترم
بس بعدها حصلت ظروف وبعدت عنها لقيتها بقت العن من الاول
انا مش ببرر موقفها لان اكيد الى مقتنع بحاجه بجد هيثبت عليها
بس فى اقليه من ابهات اليومين دول والامهات بقوا يحبوا بناتهم كده
اما بقى بالنسبه للشباب
فانتوا ادرى بيهم بس الى اقدر اقوله ان الى بيلفت نظر الناس دلوقتى مش اللبس ولا الموبايل
ما البوابين دلوقتى معاهم موبايلات
والحراميه لابسين احدث الصيحات
اما بقى الابهااااات
نسبه منهم غير مسئوله بالمره عن ولادهم ولا يعرفوا عنهم الا اساميهم
سنهم بالصدفه
ونسيوا نهااااااائى ان ربنا هيحاسبهم على ولادهم
اما بالنسبه لموضوع الكليه
فنو كومنت
لانى مروحتش الكليه الترم التانى غير ناادر
ويوم ما بروح يبقى عشان مليت من قعدت البيت
وتقريبا علاقاتى فى الكليه محدوده
ومتعرفتش على حد من الكليه غير الى حكمت بيهم الظروف
سورى طولت عليكم بس فعلا كنت مخنوقه من الموضوع ده
معلش اهى جت فيكم:D
bery:
يعنى انا شايف ان رأيك بأيجاز ان المشكله فى الاساس من اولياء الامور
انا معاك فى كده فعلا
ويجوا هما دلوقتنى يتهمونا ان احنا جيل بايظ
شكرا ليك على رايك يابرى
dr/loza:
يا اهلا يا اهلا بحضرتك
وبالسته بتوع صيدله معانا
شرفتونا ونورتونا
بالنسبه بقى لرأى حضرتك
برده زى ما قال البرى
هيا الحكايه مشكله اهل
بس برده مش كله من الاهل
وحضرتك بتقولى على البنت الى امها بتحرضها على كده
سبحان الله حاجه غريبه بجد
ربنا يهديهم يارب
وعندك حق فعلا الابهات مبقوش اصلا بيشوفوا ولادهم غير كل فين وفين
وفيه الى بيسافر بره علشان يعيشهم كويس
ويسيبم لوحدهم
عايز يرجع مايلاقيهمشى بايظين ؟؟
وكويس انا حضرتك اتخنقتى من الموضوع
لان هوه ده الهدف منه
وشكرا لحضرتك
ومنورانا مره تانيه
Post a Comment